კი. კი. ნამდვილად საოცარია,
უღმრთოთა ბუნტი - "covid-19"-ით...
როცა ათასჯერ მეტი მკვდარია,
კანაფისით და კლუბურ ტაბლეტით...
და უფრო მეტი - კაზინოებით...
და უთვალავი აბორტებია...
თქვენ, გონზე ახლა, რატომ მოხვედით?
აქამდე, რატომ არ გნდომებიათ:

რომ გაგელაშქრათ ამდენ სიკვდილზე?
რომ გამოგეხსნათ თქვენი "მოყვასი"?
რატომ აყრიდით სიცილს სიცილზე,
ვისაც დღესაც სურს იყოს ღვთის მსგავსი?
ან, რად არ აქებთ ამგვარ განწყობას?
ვინ არის ქვეყნად წმინდად ჭკვიანი:
ვინც ღმერთს აღუვლენს მუდამ გალობას,
თუ ის, ვისგანაც მოდის ზიანი?

"მოყვასისასთვის" - "სახლში დარჩენა"...
ღმერთის ადგილი, მაშინ, სად არის?
ან, თავად ქრისტემ რატომ აშენა,
კლდისებრ რწმენაზე - წმინდა ტაძარი?
რად დაუწესა, ან მთელს მსოფლიოს,
თავის ხორცის და სისხლის მიღება?
ან, სხვა, სხვა, რითი უნდა იძლიოს,
უხსენებელის შურისძიება?

კი. კი. ნამდვილად საოცარია,
უღმრთოთა ბუნტი - "covid-19"-ით..
მოლოდინი კი უფრო მცდარია:
ქრისტეს გარეშე, თითქოს - აღვდგებით...
ეკლესიაში იზეიმებენ,
ქრისტეს ბრწყინვალე - მკვდრეთით აღდგომას,
ქრისტეს ხორცსა და სისხლს მიიღებენ,
და შესწირავენ ერთად მადლობას.

17.04.2020 წ.