ღილები. ზოლები. მანტო.
ფანჯარა. ჩემს გვერდით დგახარ.
როდესაც მარტო ვარ გნატრობ.
ველი წამს, როდესაც გნახავ.

ხელი გაქვს ჩემს ხელში. კაბა
შავი და უბრალო. თეთრი
პერანგი გაცვია. ვლანდავ
კედელზე მკვეთრ ჩრდილებს პეპლის.

ტუჩები მარწყვივით მწიფე.
თვალები, ირეკლავს ჩემს თავს.
თითებზე გკოცნი და იქვე
გულს გიძღვნი სიშენით მფეთქავს.

შენს ტანზე მზე სხივებს იქსოვს.
შენ არყევ ჩემ ფიქრთა ღერძებს.
ჩემთან ხარ, და მაინც, თითქოს
მჭირდები, უშენოდ ვერ ვძლებ.