-მადლობა,ცრემლები არ გვინდა!
გამიშვი, ტყუილად მაკავებ!
თუ შეგხვდე , იცოდე არ მითხრა,
"მომენატრეო" ან "ხვალამდე"!

-მშვიდობით, იყავი სულ კარგად!
გრძნობები ტყუილად გაგანდე,
სიყვარულს ძალები სჭირდება,
მინდა დაგივიწყო, მაცალე!

-წავედი, არ მომყვე კარამდე!
გზებს აწი თავადვე გავიკვლევ!
დრო კურნავს ყველაფერს იცოდი?
-ვიცოდი, არ ვღირვარ ამად მე!

-ვილოცებ შენთვისაც, ჩემთვისაც,
გგონია გატყუებ?-გემჩნევა!
ცრემლს ნუ მწმენდ, ეს ცრემლი კი არა,
რაღაც ჩამივარდა, გეშლება!

-გშორდები, ნურაფერს მპირდები!
ჩვენს ამბავს ვერ დავწერთ ახლიდან,
ზოგი იბადება რომ უყვარდეთ,
ზოგისთვის დაბადებაც არ ღირდა!