შენამდე მე ვერ მოვედი და
ვერ გინახულე - მომერიდა.
გათავისუფლდი ცხოვრებიდან -
რა გაწუხებდა?!

ერთ დღეს უშენობაც შემაცივებს,
დეკემბერი მოდგა, რა მაცინებს!
მიწა ჩაიცვი, რომ არ გაცივდე -
ცოტა მოთბები.

სადაცაა, თოვას დაიწყებს და
მე კი "ძაფი ნერვიც" არ მიწყდება.
მახსოვს, არაფერი მავიწყდება,
რაც გაწუხებდა.

ბოლო გროშებით და მონეტებით
სანთელს ვიყიდი და მოგენთები.
ასე იქცევიან პოეტები,
ნუ მიბრაზდები!

შენამდე მე ვერ მოვედი და
ვერ გინახულე - მომერიდა.
გათავისუფლდი ცხოვრებიდან -
რა გაწუხებდა?!