რისთვის მოდიხართ დაბლა ფიფქებო,
არ გენანებათ ცა - სანაქებო?
ღრუბლების ზღვაში არ ჯობს ლივლივი,
ვიდრე  გათელვის გახდეთ არჩივი
კაცთა ტერფთაგან?

სახე ხომ არ ხართ ცად ასულ სულთა
და უძლეველი გჭირთ მონატრება.
ღმერთთან ნამყოფთ კი, მასავით სუფთა
ფიფქებად ქცევის მოგეცათ ნება
დაბრუნებისა.


წამით გვეწვევით საწუთროს მკვიდრებს
და გულს იჯერებთ ალერსით ვიდრე,
კვლავ ჩაგიხუტებთ ზეცის კამარა.
სიყვარულისთვის რადგან არ კმარა
ერთი სიცოცხლე.

  2014 წ