ყოველთვის წინ მხვდება სიცივის ქარაფი,
როდესაც მოვყვები შენ გულის მისამართს.
მიყვარხარ უბრალოდ მე ჩემი არაფრით,
მე ჩემი ყველაფრით უბრალოდ მიყვარხარ.

რამდენჯერ დავიწყე ცხოვრება ხელახლა
რამდენი ოცნება მიხმება ნერგივით.
გიყურებ შორიდან და ვგრძნობ რომ შენ ახლა
ხარ კითხვის ნიშანსა
და შორის წერტილის...


მზე ჩადის მთავრდება ერთი დღის ამბავი,
ამბავი,
რომელიც ჩვენ შორის არ მოხდა.
ავუწევ სიჩუმეს
და შენი ხმასავით
მოვუსმენ -
ასე რომ მე ისევ მარტო ვარ.