პ ო ე მ ა


ნიკას  დაბადების  დღე  გვაქვს
ყოველი  თვის  19-ში,
ყველას  გეპატიჟებით  და
სუფრასა  ვშლით  წამებში!..

უკვე  ექვსი  იუბილე
აღინიშნა  ნიკასი.
ვინც  კი  ნიკას  ადღეგრძელებს,
წვეთს  არ  ტოვებს  ჭიქაში!

ნიკა  ამ  დროს
სუფრის  თავში
როგორც  პრინცი  ისე  ზის!
ყოველ  19-ს  ზეიმისთვის
სულ  გვექნება  მიზეზი!

ჰა,  მეშვიდედ  ახლოვდება
ეს  ლამაზი  თარიღი,
რომ  კვლავ  შევხვდეთ  გაშლილ  სუფრით,
სიხარულით  და  რიხით!

საგანძურიც  დაუგროვდა
პრინცზე  არანაკლები:
წიგნები  -  სულ  საყვარელი
ლექსები  და  ზღაპრები...

დარჩეული  ფირფიტები -
ლამის  მთელი  კლასიკა,
ველხალხური  სიმღერები
ხომ  სულ  ცოტა  ასი  გვაქვს!

ნახატებიც,  სურათებიც
უყვარს  ნიკას  ფერადი,
ფერად  სათამაშოებშიც
ჩაფლულია  ყელამდი...

,, სათამაშო  ზოოპარკი”
ვეღარ  იტევს  ყურცქვიტებს
( ყურცქვიტებიც,  რა  თქმა  უნდა
სულ  არ  გვანან  უწინდლებს!..

სადღა  ნახავთ  ასეთ  ლომს  და
ან  ვეფხვს  -  ასე  ხატულას?
სპილო  ნახოთ  -  გეგონებათ
თავად  სპილოს  ნატურა!..

არ  ერჩიან  ფისოები
აქ  ჩიტებს  თაგუნებს
და  სიფრთხილე  დავიწყნიათ
ციყვებსა  და  ზღარბუნებს...

სძინავთ  ზებრებს  და  აქლემებს
ნიანგების  მხარდამხარ,
გაგახარებთ  იქვე  შვლის  და 
მისი  ნუკრის  დანახვა!..

აქ  ბეკეკას  აღარ  დასდევს
ავი  მგელი ძუნძულით,
და  არ  უფრთხის  მელაკუდას 
ჭრელი  იხვის  ჭუჭული...

ვინ  მეფეა,  ვინ  ვეზირი,
ვერ  აარჩევთ,  მერწმუნებ!..
სულ  არა  აქვთ  მათი  რიდი
პაწაწინა  ბ
მხეცუნებს...

აქ  ბოროტი  დედინაცვლის
ფიქრიც  არ  აქვს  წიქარას,
-  განა  ვინმეს  აპატიებს
ნიკა  ბრიყვულ  მიქარვას?!.

აქ  სიკეთის  სავანეა
და  მშვიდობის  კუნძული
და  მორჩილებს  ნიკას  ნებას
აქ  ყოველი  კუჭული.

ყველა,  ყველა,
მაგრამ  მსგავსი
ნიკას  ჯერ  არ  უნახავს:
- მას  ხომ  უკვე  სამი  დღეა
პაწაწინა  მურა  ჰყავს!

ძაფზე  დაფრენს  ბატასინი,
ძირს  გორაობს  დათუჩა,
უკვირს  ნიკას -  დარჩენილ  რძეს
მურიკელა  რად  უჭამს!..

მოკლედ  ნიკას  გართობაში
აღარა  აქვს  პრობლემა.
სასეირნოდ  სულ  მზად  არის
ეტლიც  ლამაზბორბლება..

ბაბუ  ლექსებს  არ  მოაკლებს -
ასეთი  რამ  არ  ხდებ!..
ნიკალა  კი  ერთ  კვირაში
შვიდი  ,,წლისა”  გახდება!!!


11.  1995 წ.