ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: თათ
ჟანრი: პროზა
13 აგვისტო, 2009


ზაფხულის ცხელი მზე და დასვენება

გრილა , უფრო ცივა . ბარსელონა დღეს წვიმამ დაასველა. აქ ისე არ ცხელა როგორც ისრაელში . და არც ისე გრილა როგორც საქართველოში ... 
სერვეზას ვსვამ ანუ ლუდს ლიმონთან ერთად. აივნიდან წვიმით აქაფებულ ბასეინს გადავყურებ და ნახევრად ხის სავარძელს სიამოვნებით ოდნავ ვარწევ. საღამოა .
სავსე დღე იყო ... ემოციებით , შთაბეჭდილებებით ..
დილით ვილანოვადან აღმართს ავუყევით , BMW 330  , 150KM საათში სიჩქარით მიქროდა. საათნახევარში უკვე საფრანგეთის საზღვართან SALVADORE DALIS მუზეუმში მივედით. იქ კიდევ ორი საათი დავყავით რიგში დგომით. და როგორც იქნა შევედით.
ნამდვილად შთამბეჭდავი სანახაობა ...
მოგვიანებით  მაღალმთიან სოფლებში ავედით. გამაოგნებელი ბუნება, მსგავსი სიმწვანე არსად მინახავს . მთა თითქოს ღრუბლებში ერთიანდებოდა და მაინც მივქროდით.
ავედით აღარ მახსოვს იმ სოფლის სახელი , მაგრამ ტავერნამ გამაოცა. ქართული სოფლის სახლს ჩამოგავდა.
სულ ხეში და ქვაში ...
ალაგ ალაგ ღორის შებოლილი ბარკლები ეკიდა. ირგვლივ მადის მომგვრელი ცეცხლის სუნი ტრიალებდა. რომელზეც შამფურზე წამოგებულ ქათმებს ატრიალებდნენ. გარეთ ციოდა , რაც ბუნებრივია , თითქმის ნისლში გახვეულ ტავერნაში ვისხედით.
შიგნით კი თბილოდა. და ამიტომ სიამოვნებით ვწრუპავდით ცივ შამპანურს. ეს იმ დღეს ... მაგრამ ყოველი დღე სიახლითა და შთაბეჭდილებებით სავსეა..
მალე ისევ ისრაელში დავბრუნდებით , და ვერ ვიტყვი რომ ძალიან არ მინდა იქ დაბრუნება , რადგან იქაც მელოდება ჩემი საყვარელი იერუსალიმის ტაძარი ...

კომენტარები ილუსტრაციები რეცენზიები