დროა დაეშვა ღრუბლიდან,
შეწყდეს უაზრო თარეში!
დროა დაიწყო ნულიდან,
სევდას ჩახედო თვალებში,

დროა უარყო ყოველი,
რაც შენი ღირსი არ არის!..
შეიგრძნო წუთისოფელი,
დალეწო ნდობის საყდარი...

დაგმო ფერადი სათვალე,
დახოცო ჭრელი პეპლები!..
გაყვე მხოლოდ შენს ნაკვალევს,
არ შეიმჩნიო ცრემლები!!!

დროა სრულად თქვა სათქმელი,
აღარ დაყარო ფარხმალი,
თქვა სიტყვა უკანასკნელი,
სხვაგან თქვა სიტყვა ახალი...

Gგაუყვე ნათელს მომავლის,
დროს ჩააბარო ნანახი,
მიხვდე რომ უკვე დრო არის
რიგზე შემართო ჩახმახი!!!

დაგმო მტანჯველი სამყარო
და შეიწყნარო მონები...
დროა შეიგრძნო ზამთარი,
დროა მიიღო ზომები!...