ახალი ფურცელი

ახალ ფურცელს ავიღებ და
დავწერ ახალ შედევრს,
ახლა ფურცელს ავიღებ და
აღარ დავწერ მე ბევრს,
თეთრ ფურცელზე შავი კალმით,
თეთრად გეტყვი სათქმელს,
წარბებს შავად შევიღებავ,
და დაგინთებ სანთლებს.
ახალ ფურცელს ავიღებ და
შეგაგინებ გამზრდელს,
ახალ ფურცელს, გადავფურცლავ,
დავიხმარებ მთარგმნელს,
რომ გითარგმნო ეს ფურცელი,
თეთრი, შავი ლაქებით,
რომ ეს ლაღი, თეთრი ლექსი,
წაიკითხო გარკევევით,
და მიხვდე, რომ ამ ფურცელზე,
არაფერი წერია,
და მიხვდე, რომ ეს ცხოვრება,
თვითნებურად ბნელია.

ფიქრის მუზა, წაიკუზა,
ნედლი ბუზი,
ეს ლექსი ხომ სიმღერაა,
ყვავი ტუზი.
და ცხოვრება თამაშია,
თეთრი, შავი,
სასაცილოც ამაშია,
თეთრი, შავი.
________________________

თეთრი მზე

განწირულ ხმით შემოსძახა,
სპლიყვმა თავის დედას,
გაოგნებული გამოვიდა
ბებერი სპილო,
სპლიყვმა დედის რძე იუარა
და სამუდამოდ,
გაჰქუსლა...

ორგან ორი კაცი ბჭობდა,
მესამეზე, სხვაზე,
ორივეგან ერთი კაცი,
მიდიოდა ზღვაზე,
აღარავის არ ახსოვდა,
მზის ჩასვლა და რიდი,
თეთრი მზის კი ეშინოდათ,
დაღვრემილი გიდი...

(ეძღვნება გიდს, რომელიც თეთრი მზის ჩასვლას ვერ მოესწრო :( )
____________________________

მინდა

მინდა ლექსი დაგიწეროთ,
გულითადი, კარგი,
და თან ნაზი სიმღერივით*,
არ შეიკრათ წარბი.
კობამ ელვა დაინახა,
დაინახა შარდი,
მინდა კობა დამენახა,
უმწეო და ყალბი.
ვირის ბოსტანს მიეშურა,
განდეგილი ცხვარი,
აქლემებს ვერ დაედევნა,
რა ყოფილა ? ყვავი!

(სწორი პასუხი იყო ყვავი, ვინც გამოიცნო, გილოცავთ!)
სიმღერივით * - სიმღერასავით
_____________________________

ღამის კუ

არავითარ შემთხვევაში,
არ დატოვოთ გარეთ კუ,
თუ ოდესმე დასველდება,
გაამშრალეთ სველი კუ.

თუ სახლს ცეცხლი მოეკიდა,
და კუ დარჩა სახლში,
არაფერზე არ იდარდოთ,
კუს აქვს თავის სახლი.

თუ დღემ კარგად ჩაიარა,
ღამით მთებზე დათოვა,
შეგიძლიათ კუ დატოვოთ,
ის თავისით წამოვა.

თუ ძალიან გეჩქარებათ,
დრო არა გაქვთ ძილის,
კუს მაინც ნუ დააჩქარებთ,
კუ თავისით ივლის.

(ეძღვნება კუს)
________________________________

ბრიგადირს

ბრიგადირს მოჰპარეს სათვალე,
გაიქცნენ, გარბოდნენ მალ-მალე,
ორმაგი ტკივილი აცვია,
ხანდახან თან დასდევს სამარე.

ბრიგადირს ეტყობა არ სტკივა,
ხანდახან ატკივა რაც ითქვა,
მილიონ კაცშიც კი გაარჩევ,
ძალიან ლამაზი რიყის ქვა.

ბრიგადირს ნურაფერს დაამჩნევ,
და ნუღარაფერს ჩააცვამ,
სათვალის ქურდი მოჰპარავს,
და შავ ტანსაცმელს ჩააცვამს...
_______________________________

ვახტანგი

სადღაც უფსკრულში გამოჩნდა ვინმე ვახტანგი,
სანაპიროზე ამ ვახტანგსაც არ ჰქონდა სახლი,
და ამ ვახტანგის უბიწობას არ დასცინოდა,
ვახტანგის ცოლი, მეტსახელად გულიკო დახლი.

ვახტანგს ებრძოდა თურმე ევგენი,
ევგენს არ ჰქონდა ვახტანგის ჯოხი,
ვახტანგს დაჰქონდა თურმე კომბალი,
არ არსებობდა ვახტანგის ქოხი.

(ეძღვნება ვახტანგ კირთაძეს, იგივე ევგენ პეტროლიუმს)
2123 წელი, თბილისი
_________________________________

ბედნიერი ბებო

ბედნიერი ვარ როგორც არასდროს,
შიშველ ფეხსაცმელს ყელი სტკიოდა,
გულგრილი ბებოს მერე აღმოჩნდა,
ბედნიერი და ბებერი ბებო,

ეს გულითადი გულსაკლავი და
გაუმაძღარი ჩვეული რითმა,
არ არსებული ქუთუთოები,
და განთიადზე მოთქმა და მითქმა,

წყვდიადს მირბოდა, პატარა ბებო,
ასაკით დიდი მაგრამ გულგრილი,
და ეს ამაყი ქუთუთოები,
არ ეკუთნოდა, ბედნიერ ბებოს...
__________________________________

მითუმეტეს, მითუმეტეს...

არ მითქვამს, არც მიძაგია,
არ მიმიწევს მისკენ გული,
არც ვცემე, არც მომიკლია,
მითუმეტეს, მითუმეტეს...

არც ვაქე და არც ვადიდე,
არცერთს ხელით შევხებივარ,
აღარცერთი აღარ დარჩა,
მითუმეტეს, მითუმეტეს...

სიმღერაც არ მიმღერია,
და არც ლექსი წარმომითქვამს,
ერთი უბრალო ბიჭი ვარ,
მითუმეტეს, მითუმეტეს...

და რითმა კი ახლა შემყავს,
მოიფიქრებთ სხვას უკეთესს?!
სიტყვა გრძნობას, რომ არ ჰგავდეს,
მითუმეტეს, მითუმეტეს...

გლავარებმა გალავანზე,
ააშენეს ციხე-კოშკი,
ორ-სამ დღეში ჩამოინგრა,
მითუმეტეს, მითუმეტეს...

საბერძნეთში ვიზა რა ღირს?
დროა გავცდეთ ამ ორხევს,
საბერძნეთში წამიყვანეთ,
იქ ვიპოვი სამოთხეს...

მითუმეტეს, მითუმეტეს :)
__________________________

ჭადრაკი

ჭადრაკს გავყიდი, იაფად,
ცხენს დავიტოვებ თილისმად,
მეფეს ვუბრძანებ დახოცოს,
პაიკს მოვუსმენ, გულისხმად :).
ჰეი, პეშკავ, არ მიმატოვო,
ხომ ხედავ დილა თენდება,
დედოფალს უთხარ ნუ დარდობს,
ნელ-ნელა სხვაც დაბერდება.
და კუმ, ცხოველმა, მეფეს უქიშა,
უკან დაიხევ შენ ლაზიერო.
კუს ნუ დასცინით, ხომ ხედავთ ხალხნო,
გადაუხადა სამაგიერო.
ჭადრაკს გავყიდი იაფად,
პეშკას ვიტოვებ მხედრადა,
გულით თუ არ წაიკითხავთ,
ვაი თქვენს ბოღმას, ვედრადა!

(ეძღვნება იტალიაში დაკარგულ ირანელ პოეტს)