მათიას ჰიუზ, ბროვერის სკვერი ეს ჩვენი, ადამიანების, ცხოვრებაა:
მათიას ჰიუზ, სწორედ აქ, ბროვერის სკვერში,
ერთხელ,
შემთხვევით,
შენ იხილე შენი ქერაკულულებიანი ჰანნა,
რომელიც იმ ვიღაც ეთიოპიელს,
უშნოდ აჩაჩხულ ნგრენს,
ყვითელფოთლებიან მოლზე წამოეგორებინა და
ისეთი ვნებით კოცნიდნენ და ეხვეოდნენ ერთმანეთს, რომ იფიქრე:
ჰანნას კაცი არ უნახავს, მე არ ვუნახივარ, ჯერ სექსი არ ქონიაო!
მათიას ჰიუზ, ბროვერის სკვერი შენი გარდაცვალებაა!
მათიას ჰიუზ, ბროვერის სკვერი შენი სიყვარულის გარდაცვალებაა!
მათიას ჰიუზ, ბროვერის სკვერი ჰანნას გარდაცვალებაა!
მათიას ჰიუზ, ბროვერის სკვერი ნგრენის დაბადებაა!
მათიას ჰიუზ, ბროვერის სკვერი ღალატის დაბადებაა!
მათიას ჰიუზ, ბროვერის სკვერი, ეს ცხოვრებაა!
ხომ შეხედე ცხოვრებას თვალებში?
ეხლა, გამობრუნდი უკან, სახლისაკენ
და გაანალიზე რა არის ადამიანი,
რა არის სიყვარული,
ვინ არის ჰანნა,
ვინ ხარ შენ,
ვინ ვინაა
ვინ რაა,
რაააა,
რააა,
რაა
რა
?


ჰანს ბრიუგეს ლექსის ჩემეული თარგმანი გერმანულიდან

ეს ლექსები ვთარგმნე გერმანიაში ჩემი სტუდენტობის დროს და ჰანს ბრიუგეს წიგნი აქ არ მომეძევება, ვერც სადმე მოვნახე, რომ დედნებიც დავდო. ბოდიშს გიხდით.