ორი  ცრემლიდან 
                        საქართველოს  გაჰყურებს  საბა...
                                           
                                                            მუხრანი

დღე  და  მოსწრება  წარსულს  ვწყევლი  და
ოდენ  მომავლის  ვცოცხლობ  იმედით...
და  გული  მტკივა
წყვილი  ცრემლიდან
მამულს  გაჰყურებს  როცა  მცირედი...

თუ  კანტი-კუნტად  შევხვდები  სადმე,
ბავშვივით  ვხარობ  ამ  შეხვედრებით...
და  ძმაზე  მეტად  ძმადა  ვთვლი  ქართველს,
ორი  ცრემლიდან  რომ  იხედება...

                                                          1971


* * *

გული  მუდამ  გრძნობს,
რისი  დროც  არი...
არ  გამაგონოთ  გულის  გაბზარვა!..
მზე  ჩამორეკეთ,
მზე  -
ოქროს  ზარი!
დე,  ცა  და  მყარი  შეძრას  ამ  ზარმა!..

ადუღდეს  სისხლი,
რწმენაც  მომძლავრდეს,
რომ  კვლავ  აგვიხდენს  ღმერთი  ასახდენს!
-  გამოდით,
ნახეთ:
-  დილა  მობრძანდა!
- აქ,  ჩვენს  მეზობლად  უნდა  დასახლდეს!..

                                                            1975