არც ერთი ჩვენგანი არაა თავისუფალი, კარგად თუ დაფიქრდებით მიხვდებით, რომ ეხლა მე ძალიან მართალი ვარ ამას რომ გეუბნებით.
თავისუფლება ძალიან ძვირი ღირს, იმდენად ძვირი რომ არც ერთ ჩვნეგანს არ შეუძლია მისი გადახდა. მე პირადად იმას მივხვდი, რომ  ვარ მხოლოდ და მხოლოდ მოაზროვნე არსება, ყოვლმხრივ შეზღუდული უფლებებით, რომელიც მეტისმეტს ფიქრობს იმაზე, რასაც წესით გულით უნდა წყვეტდეს და არა გონებით, და ვინაიდან და რადგანაც გონება ცივიაო, ცივი კი არაფერი ვარგა ლუდის გარდა. გამოდის რომ მე ვარ მოაზროვნე, უსქესო და უსარგებლო არსება. იმიტომ რომ ვიზუალურად მდედრობითი სქესის წარმომადგენელი ვარ, და არ თუ ვერ ვფიქრობ დანარჩენი ქალებივით, ანუ უფრო მოკლედ რომ ვთქვა, ჩემი ტვინი კაცივით ფიქრობს, გამოდის რომ ორივე ერთად ვარ? (მარაზმებში ნუ წახვალთ მთლად ამის კითხვისას, ცოტა თქვენც იაზროვნეთ და პირდაპირ ნუ წაიკითხავთ მაინც ყველაფერს).
აქედან დასკვნა:  გამოდის რომ არც ქალად ვარგივარ და კაცი ისეც ვერ ვიქნები.

ანუ მე იმ ფორმით არ გავჩნდი, რომელიც უფრო მარტივი იქნებოდა. მაგალითად ადამიანის ნაცვლად ვყოფილიყავი ფოთოლი ან პეპელა ან ზვიგენი თუნდაც.    ფოთოლი გაზაფხულიდან გვიან შემოდგომამდე ცხოვრობს და ვიღაცა დაინახავს და შეამჩნევს თუ არა მას ტრილლიონ ფოთლებში, სულ არ ადარდებს. მარტივია!
  პეპელა ერთხელ ცხოვრობს და ვინაიდან ისინი უფრო ნაკლები არიან დედამიწაზე ვიდრე ფოთლები, უფრო მეტი შანსი აქვს, ვინმემ რომ შეამჩნიოს, მაგრამ დრო აქვს ძალიან ცოტა.ესეც მარტივია!
    აი ზვიგენი ცოტა უკეთეს მდგომარეობაშია, მართალია იგი ვიზუალურად არავის მოსწონს  მაგრამ, მას აუცილებლად ამჩნევენ, დიდხანს კი ცოცხლობს ვიდრე ზემოთ ჩამოთვლილები, მაგრამ მისი ეშინიათ. ეს უფრო მარტივია!
გამოდის, რომ მე ეხლა ჩემს თავს დავცინი და თქვენც ტყუილად გართმევთ დროს. მაპატიეთ ადამიანებო, ზოგი თქვენგანი მეტისმეტად ღრმაა ჩემთვის, დანარჩენები კი მეტისმეტად ცარიელები. მიჭირს თქვენი ატანა, ესეც მოკლედ რომ ვთქვა ასეა.
რა აზრი აქვს თავისუფლების გარეშე არსებობას? არანაირი. და თუკი ეს „ძვირადღირებული თავისუფლება’’ ადამიანის გარდა არავის ესაჭიროება და  მაინც ყველაზე უმნიშვნელო დოზით აქვს ადამიანს, გეკითხები ღმერთო: რისთვის გვაჩენდი საერთოდ? მოგეცა სხვა ფორმა და ფერი ჩემთვის, რა გაგიხდა ერთით მეტი ფოთოლი, პეპელა ან ზვიგენი?