ეს ცხოვრება ვისთვის იის გირლანდია,
ეს ცხოვრება ვისთვის უეკლესია...
სიმწვანეში რომ ჩაფლულა ირლანდია,
უაბატოდ,უვარდ-უეკლესიოდ?!
ხედავ? - Dublin!ოღონდ ბარი,ისიც პეროვსკაიაზე,
აქ ღამეა,იქ კი ალბათ ეგებებით ალიონს...
ზეცა აღარ გაწვიმდება,ღრუბლის კარი ჩარაზე:
მე კი კარგი აზრი მაქვს,მეგობრებო,დავლიოთ.
ხარბად დავაგემოვნოთ ბეკონი და "ცეზარი",
მერე ხარბად დავლიოთ ცივი ლუდი "Coronaა",
ერთი გოგო მიღიმის,სულით ნაპრინცესარი,
თვალებში რომ აურეკლავს ვარსკვლავების კოლონა.
ერთმანეთში ავურიოთ "Nemiroff" და ტეკილა,
სიგარეტის კვამლისგან ვჩუქნით ჰაერს მონუმენტს
და ოდნავ ნამთვრალევი ბარმენი ატეხილა,
მუსიკოსთან მივიდა,თითქოს ართმევს ინსტრუმენტს.
მე მაოცებს ყოველივე ამ ბარში...
თან კედელზე გოგენი და ვან გოგი,
ერთ მაგიდას უზის სამი დამქაში,
მეგობრობის სადღეგრძელოს ამბობენ...