1. (სემი)
სანამ თევზების წამიერი
ამოყვინთვისას ნესტიანი ბგერები
ჩაიხშობიან ჰაერში;
კუთხეებში კი, სადაც არ სახლობს ძილი
და მელანქოლიაც აკრძალულია.
ჩვენ წალდით ვიკაფავთ
ფეხის ტკივილებს.
შენ  მიურიელი ხარ
და კოსმონავტი..
2. (ტუხა)
ჭრილობებით მორთულ ხეს,
მელოტი ბავშვი ხვალაც მიაბავს
პოლიეთილენის პარკს,
და ჩასაფიქრებელ სურვილამდე
მომდევნო შავი კაბა
ჩამოიხრჩობს ტანს.
ის ამბობს :
მოლი- ნუ მოხვალ ხესთან..
3. (სემი)
როცა სატელეფონო ჯიხურები
შენი გავლისას იწყებენ სუნთქვას.
და პარანოია უფრო შიდაა.
პაგინაცია კი დაუსრულებელი.
შენ პერანგის სახელოში
დილის ხმით იმეორებ:
“მამაო ჩემო - მამაო ჩემო
რომელი ხარ ამ შიშთა შორის.”
4. (ტუხა)
ტალახიანი სისველე ედება ნათურას.
როდის დაბნელდება_
ის კიდევ მოვა, რომ
ახალი კვანძის გაკეთება მასწავლოს.
მოლი აქ მოდი მეშინია.
მე ვერ ვიტყვი უარს ნატვრის ხეზე
ისინი შემპირდნენ რომ თმები მექნება.
მოლი დამნება თავის_
ისევ სხვა მოვა.