ვა-ბანკი!
ცდი და თან უკან იხევ,
თითქოს ორპირი ქარი გირტყამს, რომ წაგაქციოს.
ხშირად სიზმარშიც არარსებულ ბილიკებს იკვლევ
უტოპიაში ჩაძირული...
უკლებ სიარულს!
- - -
გაქცევა!
ვა-ბანკზე მაინც აუშვი ხელი...
ხედვა მერყეობს და ჩერდები გვირაბის თავში -
(თეთრი ზეწარი შემოეხა სხეულს შიგნიდან)
იხსენებ წარსულს...
ამბობენ ასე: გვირაბი და სადღაც სინათლე
უნდა გაბედო.
- - -
ექო.
ექოს ხმა გაურკვეველ ბგერებს ბადებდა!
შიში იმატებს
და
მარჯვნიდან ნათელი გფარავს...
/ თუ გაგიმეტებს?! /
- - -
ნაბიჯების ხმა...
თითქოს კუბოს აყრიდნენ მიწას.
სიჩუმე...
ხელისგულებით ახლა სული გაათბობს სხეულს -
(ალბათ) ბოლოჯერ!
ს ა მ ო თ ხ ი ს კიბე.
ითვლი!
ს ა მ ნაბიჯს...
და სიჩუმეს ტანჯავს სიცივე.
ჩაბურულ ოთახს ქარი ლეწავს
ირღვევა ხედვა.
და
ექოს ტემბრი
„შენ დაგრჩა დრო და“
- - -
პალატა ცივი...
სხეული კი ტოვებდა ნარკოზს.

/ ექიმის ხედვა შეერია ბლანტ ნახშიროჟანგს /