შენ ზღვა და წვიმა ერთად გამშვენებს,
სილამაზით და ეშხით განთქმულო,
ერთხელ მნახველი ტყვე ხდება უცებ,
ამ საოცრების ჩემო ბათუმო.

აქ სიყვარულსაც სხვა ფერი დაჰკრავს,
ლურჯთვალებიან ტურფა ასულსაც,
ლექსის თქმა მინდა,სიმღერად მოდის
ვუძღვნი დღევანდელს უკვე წასულსაც.

ხან ზეცას წვდება ჩემი სიმღერა,
ხან ნიავივით წყნარი და ჩუმი,
ჩემი გედიც ხომ აქ ამღერდება,
გულში ჩამიკრავს ჩემი ბათუმი.

შენი მშვენებით ყველას აოცებ.
მეც ვეცილები დიდებულ მგოსნებს.
შენ ახლა გული გეკუთვნის ჩემი.
დრო მოვა სულიც შენზე ილოცებს.