მე ერთხელ დავწერ, მეტს აღარ ვიტყვი,
თუ გინდათ მერე დამწამეთ ცილი,
რწმენის ერთგული და ღვთისმოშიში,
დღემდე მივლია და ხვალაც ვივლი.

ოცდამეერთე საუკუნეა,
დემოკრატია მეფობს მიწაზე,
რჯულის არჩევის შენ გაქვს უფლება,
დოგმის გარეშე უნდა გიყვარდეს.

მაგრამ მოვითხოვ პატივისცემას,
და არა ძალით სუსტს მოვერიოთ,
სხვა რწმენის ხალხის ლანძღვა-გინებას
და ცემა-ტყეპას გთხოვთ მოვერიდოთ.

როგორც მხატვარმა კვეთა ნახატი,
ისე უფალმა სამყარო შექმნა,
იესო ქრისტე, ბუდა, მაჰმადი,
ვისაც მიიჩნევ, ირწმუნე ღმერთად.

მაგრამ ერთს გეტყვი, შემთხვევითობა,
რომ შემთხვევითი არასდროსაა,
განგება, რწმენა, მხურვალე ლოცვა,
ნუ თვლი რომ მხოლოდ პირფერობაა.

ქრისტეს მოძღვრება ეტალონია,
სიკეთისა და მიმტევებლობის,
მეყოფა დავა, მელანქოლია,
ურჯულო, მკვლელი ცინიკოსების.