ხშირად გამიგია კითხვა
ნეტავ, რატომ ვცხოვრობთ ქვეყნად?!
ზუსტად ვერც ვიხსენებ ვინ თქვა,
ბევრს კი შევამჩნიე სევდა.
რატომ მოვევლინეთ ქვეყნად,
და თუ მოვევლინეთ, ნეტავ,
რატომ არ გვშორდება დარდი,
სიხარულსაც ვერსად ვხედავთ.
აზრი მითხარ ქვეყნად ყოფნის,
რაში დავინახოთ ვნება,
იქნებ ფულის ქონა რჩება
სიცოცხლის ერთადერთ შვებად.
ხშირად გამიგია კითხვა,
ერთმა, მახსოვს, ისიც კი თქვა,
რა დროს ლექსიაო, ნეტა,
მომკლა ამაზე ფიქრმა.
როცა კი ისმევა კითხვა,
ნეტავი, ჩვენს თავს რა ხდება?
ვამბობ სიყვარული რჩება,
სიცოცხლის ერთადერთ შვებად.