თალხი ღრუბლიდან გამოცურდა მსუნაგი მთვარე
და რუხი ფერი მთელ ჩემს უბანს მიმოაფრქვია.
ძველებურ სახლებს გაყინული ესტუმრა ღამეც 
და ისევ ქარმა პრობლემები შემომახვია...
გონდაკარგული (დავბრძანდები) მარტოკა გარეთ,
გარეთ ყველაფერს მთვარის თალხი შუქი აცვია.
სადღაც ბიჭები ოსტატურად მალავდნენ სახეს
სადღაც ბანდიტებს "გოიმები" გაუძარცვიათ...
ბებერ ჭაობში მომაკვდავი ღავღავებს  წერო,
დიდხანს სიცოცხლე აღარც ყვავებს არ უწერიათ.
როცა მოვკვდები გარიჟრაჟზე დალიეთ ღვინო!
დალიეთ ბევრი! ერთმანეთს გადაეხვიეთ.