ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

ტანზე კაბა მოგტმასნია როგორც სურო
და ამ კაბით მინდა ჩემსკენ გამოსცურო,
კაბის შიგნით გაუშლია სხეულს ვარდი,
მე კი კარგო! ამ კაბაში შემიყვარდი,
ჭრელი კაბა ვერ გიფარავს სავსე უბეს,
მაგ უბეში ეს თვალები დავაგუბე,
მაგ უბიდან საოცარი გრძნობა კივის
და განვიცდი უცხო გრძნობის უხმო ტკივილს..
მოკლე კაბა ვერ გიფარავს მუხლის თავებს,
გაზაფხული მარტს კაბაში გაათავებს
და მე მესმის შორეული ოხვრა გედის,
ისევ კვნესის შენს უბეში ჩემი ბედი...
გარს გეხვევა უსასრულოდ ჩემი ფიქრი,
მოგიტაცებს და ლურჯ ცაში გრძნობით მიჰქრის,
მელანდება მაგ ბაგეთა ნაზი სუნი,
შენი მკერდი ნეტარება არის სრული,
მინდა შევსვა მაგ ტუჩების უცხო წყარო,
მინდა გითხრა:-უსასრულოდ მიყვარხარო!
ეგ კაბა კი ვერ გიფარავს მუხლის თავებს,
ზეცა წვიმას შენს ტუჩებზე გაათავებს.
ჭრელი კაბა ტანს გეხვევა როგორც სურო,
მსურს შენს მკერდზე ეს სიცოცხლე დავასრულო..