მინდვრის ქარი


                        ”ჩემი საქმე, ჭეშმარიტად, ექვსი ფუტის სიღრმისკენაა, ჩემო ძმაო.”

                                                                                  ნიკა ჩერქეზიშვილი

                          ”მაიცა, თუ ძმა ხარ... კარგად იქნება ყველაფერი...”

                                                                                  თორნიკე ჭელიძე


                          ქარი მინდორში რომ ჩადგება
                          და ბალახს ვეღარ მოასწორებს,
                          ზუსტად ისეთი დღეებია,
                          აღარც  სიკვდილია მისწრება,

                          ნიკა,
                          სიცოცხლე ბორანია,
                          ჩვენ მის იალქნებზე დავსხედით
                          (ბოლოს მაინც ფრენენ ბეღურებიც
                          თბილი ქვეყნებისკენ
                          - სუსხიან,

                          ცივი ქვეყნებიდან).
                          - ბოლოს,
                          ნიკა, -
                          ისე გეუბნები, გამხნევებ.
                          არ მთავრდებიან ბილიკები,
                          ნიკა,
                          ნერვებია - ხემია.

                          თვალები მაქვს,
                          ნიკა,
                          დამშრალი,
                          შენც ეს ყოფა ისე მოგწყინდა,
                          თითქოს ქარი იყო მინდორში
                          და ორი ბალახი მოგვწყვიტა.