ეჰა, მთვარეო
სულის ჩემის შემძვრელო მნათო
ჩემთვის ცივი ხარ,
მაგრამ იქნებ ვიღაცას ათბობ.

ეჰა, მთვარეო
სულის ჩემის უფალ-ბატონო
შენთვის უცხო ვარ,
მაგრამ იქნებ ვინმეს პატრონობ.

ეჰა, მთვარეო
სულის ჩემის ავან-ჩავანო
მინდა სახება ყოველივე
შენსას ვამგვანო.

ეჰა, მთვარეო
შორეულო მნათობო ზეცის
მიყვარხარ კრძალვით
და ამ გრძნობით ჯვარსაც კი ვეცვი.

ეჰა, მთვარეო
სულის ჩემის შემძვრელო მნათო
მაინც ცივი ხარ,
მაგრამ იქნებ ვიღაცას ათბობ.