ფარდის ქვეშ სცენა შიშველი წვება,
დეკორაციას აქტის პარტნიორს აქმევს,
და როცა მასზე სიჩუმე წყდება,
ის ბუცეფალად მსახიბს არჩევს.

მომინდა მარტოს საჰარის მართვა,
და ვუმასპინძლო იშვიათ მგზავრებს,
აღარ მომიწევს არაფრის ჩართვა,
აქ დავანახებ მათ ჩართულ აზრებს.

შენ რეჟისორო გეკეთოს ლინზა,
უკუღმა ხედავდე ჩემს წაღმა მხარეს,
ერთი სპექტაკლის დავარდა გილზა,
კვლავ ერთი ძაღლის თავი გათხარეს.