ვის ეძახის ღამის ჩიტი ამაყად?
ვის დარაჯად მოგვევლინა ამ ღამეს?
ნუთუ ღამეს სათქმელი ესღა დარჩა
და ამითი ცდილობს სულის ხმას ჩაწვდეს?
არ ჩუმდება ღამის ჩიტი ამაღამ,
ფიქრებს მიშლის და ნამდვილად გადამრევს!
როგორ ბედავს თქვას ამდენი რაღაცა,
დაარღვიოს ღამის მყუდრო სიჩუმე?
ნეტავ მქონდეს მის ოდენი გული და
მთებს შევძრავდი სათქმელს მაინც ვიტყოდი.
შენ, პატარავ, რა პატარა გული გაქვს,
მაინც მეფობს შენი სიტყვა წყვდიადში.