თავი არ მოიკლა, თუ საშველი
არ ჩანს ჰორიზონტზე, გამოჩნდება!..
ზეცამ გაიკეთა ყურსასმენი
ქარის,
ისეთი რომ გაოცებას

ვეღარ დამალავენ ხის ტოტები,
ზაფხულს გეგმები აქვს გვალვიანი..
წახვალ სხვის ომში და იცოდე, რომ
გვერდი წარსულივით აგვიარე...

წახვალ სხვის ომში და...
ასეთია,
ბრძოლა, აცდენილო მოურავო!..
ძმებო, დედათქვენებს რას ეტყვიან?!.
მოდით, ჩვენს სამშობლოს მოვუაროთ...

მოდით, აფხაზეთში დავამღეროთ...
ენგურს გადავცურავთ აჩქარებით!.
შენ ჰე, აწ დაჭრილო საქართველოვ,
სად გყავს დასაკარგი ვაჟკაცები?!.