ბედს ნუ ჩათვლი თავდებად,ღვთის წყალობას თუ ელი.სავალალოდ თავდება
ცხოვრებასთან დუელი.

დრო დროს ვეღარ მიება
და ქრის თავის ნებაზე
აწმყო- შურისძიება
წარსულის ოცნებაზე.

დავიწყების მსახვრელი
ხელი- მკვლელი ხსოვნების.
თავს მახსენებს ნაღველი
ვერ შემდგარი ცხოვრების.
განუცდელი ტრფიალის,
გაუქმებულ  მიზნების,
შეუსმელი ფიალის,
აუხდენელ სიზმრების.

შეცნობილი ტკივილის
ჟამი დამრჩა მცირედი.
არ დააცდენს სიკვდილი-
იდუმალი იმედი.