სტუმრები ჰყავს ზღაპრიდან
და არ სძინავს ციცის.
დაფრინავენ ოთახში,
ციმ-ციმ,
ციმ-ციმ,
ციმ-ციმ.
-ჩამოსხედით ბალიშზე,
ვინ მოყვაბა ამბავს?
ჭია-ჭიამაიებს,
იპოვიდით ალბათ...
კეთილია ბაია,
სალამურამ რა სთქვა?
ნაწყენი ვარ უთხარით
თავად რომ არ მნახა!
სალამს ვუთვლი შორიდან,
ხომ გადასცემთ ბარათს?
ბაიასთან გაგატანთ
დაგეკარგოთ არსად!
წადით, ჩქარა გაფრინდით,
ნუ დაკარგავთ წამსაც.
ქარბორბალას ერიდეთ
გაუფრთხილდით ბარათს!
ახლა გემშვიდობებით,
ძილის დროა ციმ-ციმ,
უკვე ათჯერ ჩამოჰკრეს
საათებმა ძინ-ძინ


სარაფანი ფისოსთვის
---------------------------

თეკლამ ნინის ჩამოსძახა:
_ამო ჩემთან,აბა ჩქარა,
ნახე მამამ რა ლამაზი
ფისუნია მომიყვანა.
აგერ ნემსი.
აგერ ძაფი,
გაუყარე ჩქარა,ჩქარა.
ფისოს უნდა შევუკერო
ჩემისთანა სარაფანა.