გუშინ რა იყო...
დღეს რა არის...
ხვალ რა იქნება...
თუ კი იმედი აღარა გაქვს,
დაკარგე რწმენა.

და ღმერთმა  ნუ ჰქმნას
უიმედო 
გათენდეს დილა,
უმზეო ზეცა,
უწყლო მიწა
და ღმერთმა ნუ ჰქმნას!

წარსულისაგან 
გამოზრდილა
რა აწმყოც გვიდგას,
მომავალს ნამყნობს,
დღევანდელის
ფესვით რომ სუნთქავს.

მხოლოდ შენ ძალგმიძს,
ასაზრდოვო
ფესვები რწმენით,
რომ ყლორტებიდან
ხვალინდელ დღის
იმედი იშვას!

მხოლოდ  შენ იცი,
შენს დარგულ ხეს 
რა სულიც უდგას.
რით იფოთლება
და რა ნაყოფს
მოისხამს შემდეგ...

იმ ძალისხმევის
უნდა გწამდეს,
გჯეროდეს უნდა,
რომ ცხოვრების ხეს
სიყვარულით ააშრიალებ!