ისევ შემომხვდა შენი აჩრდილი,
მაცდურ ღიმილით მომიალერსა,
ისე სათუთად შემომეპარა
როგორც ჭიქიდან შავი ადესა.

კვლავ გამახსენდა შენი თვალები,
კვლავ გამახსენდა შენი ტუჩები,
შენს წმინდა ცრემლებს ვეთაყვანები,
მაგ შენს ბაგეზე კვლავ გავყუჩდები.

მე გამახსენდა ჩვენი ბავშვობა,
ისევ დავლანდე იგივ მინდვრები,
სადაც კისკისით პეპლებს დავსდევდით
და ცელქობაში კისერს ვიმტვრევდით.

თვალზე ბავშვური ცრემლები მდის და
გულიც, ისევე მტკივა ბავშვურად,
მაგრამ მე მაინც ბედნიერი ვარ,
შენმა აჩრდილმა რომ მომაშურა.