ნეტავ ზღვა გრძნობდეს იმას, რასაც მე ვგრძნობ, როცა შენთან ვარ....
ნეტავ მე ვიყო ის ზღვა. ავდიდდებოდი და შტორმში ჩავძირავდი ამღვრეულ გრძნობებს.
ნეტავ დაცვა გჭირდებოდეს. წვიმას შევწყვეტდი, ქარს შევაჩერებდი როცა შენ ისეირნებდი.
ნეტავ დახმარება გჭირდებოდეს. ცის ნაწყვეტს მოგიტანდი, დედამიწის გულს ამოვიღებდი შენთვის.
ნეტავ დრო გჭირდებოდეს. მთელ სიცოცხლეს გაჩუქებდი და მხოლოდ ერთ წამს დავიტოვებდი. იმ წამს, როცა შენთან ვარ.
ნეტავ სითბო გჭირდებოდეს. ჩემს გულს მოგცემდი, სიყვარულით გაჟღენთილს და ის გაგათბობდა.
ნეტავ ზღვა ვიყო. შენზე შეყვარებული ზღვა, რომელიც სულ ცხელია და სულ ბობოქარი.
მაგრამ ვაი, რომ ადამიანი ვარ.