ბნელში გამოხმობილ მზესავით
მოგორდა ფანჯარასთან მხიარული მეყვავილე.
ის იებს ყიდდა,
ლილიებს ყიდდა,
მაგნოლიების ქერქის ჩირიც ჰქონდა,
საშაბათო ბაზრის დღეებში რომ აჭმევდა უსახლკაროებს.
ის თავად იყო უპატრონო,
უსაყვარლო,
უმეზობლო და უმეგობრო,
სამაგიეროდ ყველსათვის ჰყოფნიდა
მაგნოლიის ქერქის ჩირი
la chappelle_რომ გაშლიდა
ყვავილების სიმძიმისგან ჩაზნექილ დახლს,
საშაბათო ბაზრის დღეს.