როცა ფანჯარაზე მომიკაკუნებ,
მიუხედავად რომ მძინავს,
მაგრამ იმედით,
რომ გამეღვიძება
და შევძლებ_
შემოსასვლელში გადავკიდო შენი სველი საწვიმარი,
დავანთო თვალებგამომშრალი ბუხარი,
დათოვლილი ბოტები ამოვაყირავო,
შემოვდგა სპილენძის ჩაიდანი ჩაისთვის,
მაცივარში ვიპოვნო აკაციის თაფლი,
აბაზანაში არ დამავიწყდეს იასამანის გაგრილება,
საძინებელში შეგიპატიჟო
და
საბანი ამოგიგო გაყინულ ფერდებში_
შევიძლებ ალბათ მშვიდ ძილს მივეცე!..