კარგი ყმა იმით ფასდება,
რომ სამშობლოსთვის გრგვინავდეს
ხმალი უხტოდეს ქარქაშში
მაღლა ამოწვდას იძახდეს,
ქვრივთა ობოლთა წუხილი
იმის გულს ცეცხლით სზილავდეს,
არ ივიწყებდეს ხატ-რჯულსა,
არც მამა-პაპათ მძინარეთ,
გული არ უჩერდებოდეს,
როცა სამშობლო იძახდეს
თუ მოჰკვდეს ომში წასული
სუდარას თმებით ირთავდეს,
იქ წარსდგეს სამსჯავროზედა
ვეძიე სიკვდილს ღვთის კარზე,
აქაც სახელი დარჩება
იქამც მიუვა წინაპრებს,
დაისმენ თავის რიგშია,
მახველ მშვიდობით ჰკითხავენ?!
თქვენაც მშვიდობით დამიხვდით,
პასუხს იმასა იძახდეს,
გაწევრიანდეს ღვთის ჯარში
ანგელოზებრივ ფრინავდეს,
თავისა დამრჩოს სამხვეწროს
იქაც მაღალ ღმერთს სწირავდეს.