URAKPARAKI

ავტორი: გულიანა
ჟანრი: პოეზია
8 მარტი, 2016

* * *

შენი ნეკნით

ღმერთმა შენი ნეკნით შემქმნა,
შენგან წილად მერგო ბედი,
ნუ მეძახი მაცდუნებელს,
ცდუნება ხარ ჩემზე მეტი.

არჩევანი თავად ინდე,
შემქმნელს არ აკითხე ბედი,
სამოთხეში არსებულ კაცს
რა გინდოდა კიდევ მეტი?

არ გენახე მაგრამ გწადდი,
უხილავად ქალი გწაადდა
და სამოთხის მაძღარ სურათს,
შენი გრძნობით: - ქალი აკლდა.

და ქვეყანას გავჩნდი შენებრ,
შენი ნეკნით შემქმნეს ქალი,
ნუ მეძახი მაცდუნებელს,
ჩემშიც შენ მიგიძღვის ბრალი.

2003 წელი.

ქალებს, ყვავილნარისა

დაგელოცოთ ქალობა
გაზაფხულის იებო.
ენძელებო, ვარდებო
და თქვენ მაგნოლიებო!
აპრილებო, მარტებო,
მთვარისებო, მზიებო,
სამკითხაოდ შექმნილნო
გვირილებო, ტიტებო!
ნარცისებო და ყვითლად
შეფერილნო იელნო.
ღმერთო კვირტი ყვავილთა
ააყვავე ძლიერო,
სურნელებით შთაბერე
სულის სამაგიერო.
დაგელოცოთ ქალობა
ჟასმინებო, იებო!
ენძელებო, ვარდებო
და თქვენ მაგნოლიებო!

გილოცავთ ქალთა დღეს ყველას და გმადლობთ მათ,ვინამაც მომილოცეს! :* <3

გადმოწერეთ PDF ფორმატში

კომენტარები

ილუსტრაციები

რეცენზიები

11.
მზე მოადგა დარაბებს...
ფიქრმა ამიყოლია...
ქრონიკული მარტი გჭირთ,
თუ მე ასე მგონია??

აქ, ფინტების მუზახმებს,
ალაგ-ალაგ ვაწყდები.
აჩემებულ წვიმისთვის,
მზესაც არ აქვს საზღვრები.

ხოდა როგორც ეამოთ,
მათთვის იმრიგ იწვიმოს;
ჩემს წისქვილზე ჩამოგესხას
წყალი ჩემო წისქილო.

ღმერთმა გაგვაძლიეროოს! <3

გულიანა. 2016-03-15 03:14:26

10. მე რაკი უკვე მოგიწვიე კუთხურ სუფრაზე
შენს მოწვევაზე არც მე ვიტყვი უარს უდავოდ......
საიტზე ისე გაწვიმდა და თავსხმაა უკვე
ჩვენც ვერ შევხვდებით მანამ სანამ გაავებული
მზე ხელს არ გაშლის, არ დაგვტუქსავს გაბრაზებული...
მაგრამ სად?

ნექტარი. 2016-03-13 18:14:00

9. :D :D ნამდვილად ჯობია და თანაც ისე რომ, არასოდეს გამიმხილო ვინაობა. მამალმა თქვა "მე ვიყივლებ და გათენდება თუ არა, რა ჩემი საქმეაო" სხვაგვარ, არც ხილის ფრეში იყო ჩემი კუხნისათვის უცხო... :D

მელ, კიდევ ერთი ადამიანისათვისაა აქ. შენ,მე და ნექტარმა არა მგონია ვარი თქვას... :)

მე სულ კარგად ვწერ,ზემოთაც და ქვემოთაც... შენ გვიან აფიქსირებ ამას.

გულიანა. 2016-03-09 21:20:10

8. მე მოვდივარ მარტინზე:)

მელ.ზ.. 2016-03-09 21:04:51

7.
გულიანა, მგონი კომენტარებში უკეთეს ლექსებს დებ. :)
მადლობა მიპატიჟებისთვის, მაგრამ მე ალკოჰოლიან და გაზიან სასმელს არ გეახლებით.
მხოლოდ ხილის წვენი და ისიც "ფრეშ."
ეს უფრო ძვირი ჯდება. ერთი ჭიქა, - ერთი ბოთლი მარტინის ფასია. ინკოგნიტოდ რომ დავრჩე, ორივესთვის აჯობებს. :)

ნეფერტარი. 2016-03-09 20:51:22

6. :) ნეფერტარ ევამ გაცდუნა?
უცნაური ხარ მარტივით...
თუ სადმე გნახე ჩავუჯდეთ,
მე, შენ და კიდევ მარტინი.

ყველას უღრმესი მადლობა. გაიხარეთ!!!

ნექტარ,-

სამყარო ღმერთის სახლია,
თავის დარით და ავდარით.
ჯერ არ მინახავს ლექსში ხმა,
თავად სამყაროს სადარი.
მისი მზე, მისი უკუნი .
მისი ზღვა, მისი მთა-ბარი,
სამყაროს მხოლოდ სულში აქვს,
ლაბირინთების საზღვარი.
მე მხოლოდ ერთი ნეკნი ვარ,
ვინმე ადამის აკვანი...
დავდივარ მუზის რითმებად
და ვგრძნობ რომ იგი აქ არი. :D :D

გულიანა. 2016-03-09 20:35:32

5. სუფრაზე ივარგებს. .

რვა რაღაა და ცხრა მარტს გილოცავთ..

ინი. 2016-03-09 16:37:02

4. ,,კაცობრიობა არ იწყება
კაცის შექმნიდან,
ჭირიმე თქვენი,
ევასავით გაკეთებულნო
ერთი ნეკნიდან.``

ლებანიძის ამ ლექსით გილოცავთ 8 მარტს.

თემური57. 2016-03-09 15:50:34

3. ადამიანები, ყვავილები და მათი შემქმნელი , მშვენიერია ძალიან, მოსაწონად ნათქვამი.

და სამყაროზე რას იტყვი? შემდეგში? .

ნ ე ქ ტ ა რ ი.

ნექტარი. 2016-03-09 15:01:18

2. კარგებია , მე მომეწონა. ხედავ როგორ ჩუმად არიან ,,ადამები,,)).

ელადა. 2016-03-09 14:08:08

1.
დიდი მადლობა მოლოცვისთვის. მეც გილოცავ.
პირველი ლექსი ძალიან მომეწონა. მეორეც კარგი იყო, მაგრამ პირველმა მართლა სათქმელი თქვა. თანაც ითქვა და ისეთივე გულუბრყვილობით და მარტივად, როგორც ამას თვით ევა იტყოდა. :)

ნეფერტარი. 2016-03-09 10:27:03