გოგონა გეტყვის „არას“,
(რა ვქნათ, არ შეგიყვარა)
შენც ამ დროს დაწერ ლექსს.
ამდენი „არა“ - კმარა,
ვკითხულობთ წარამარა, -
ასეთ ლექსს ვიცნობთ ბევრს!

შენ მიპასუხებ წამში:
კი, მართალი ხარ, მარა,
ლექსს რაღად ვიხლი თავში,
თუ გოგო ამბობს „კის“, -
ლექსის წერისთვის მაშინ,
ვისღა სცალია, ვის?!

P.S.
თუ „არა“ არის ლექსი,
ხოლო „კი“ არის სექსი,
ერთი რამე არ მესმის,
პოეტს როგორ აქვს სექსი?
(ორ ხაზსაც მივამატებ,
ბწკარი რომ გახდეს ექვსი.)