გუშინ სხვენზე მე და მაკამ
გადავქექეთ ყუთები,
შიგ ვიპოვეთ უამრავი
ბებოს ძველი ქუდები.
ბეწვის ქუდი,აგერ ტყავიც
ჭილის ქუდიც,ნაჭრისაც...
ბებოს სომბრაროც ეხურა
თურმე ჩაის კრეფისას.
ციბრუტივით დავტრიალდით
დავიმშვენეთ თავები,
ბუმბულები გვაკლიაო
საქათმისკენ დავეშვით.
აკაკუნდნენ ძველისძველი
"ფრანცუსკების"ქუსლები,
ჰო და მამლებს დავაპუტეთ
ბღუჯა-ბღუჯად კუდები.
ფისოს ისე შეეშინდა
გადმოკარკლა გუგები,
როცა თავზე დავახურეთ
და ჩავაცვით "შუზები"