ფორუმი


ლიტერატურული კონკურსი “აპრილის ბლიცი“     * * *     დაწვრილებით ფორუმზე, კონკურსების თემაში http://urakparaki.com/?m=13&Forum=37&Theme=1481&st=80

ურაკპარაკის ფორუმი >> კონკურსები >> ლიტერატურული კონკურსი “ბლიცი“

1 2 3 4 5 6
ავტორი შეტყობინება
მზია თვალაბეიშვილი
რჩეული ავტორი
გამოქვეყნებულია: 18 აპრილი, 2019 00:36:37
    ო, მშვენიერია! ძალიან მაინტერესებს.

ნუნუ ნონა
ლიტერატორი
გამოქვეყნებულია: 18 აპრილი, 2019 14:19:14
თბილისის ბოტანიკურ ბაღში, კიპარისების ხეივანში სეირნობამ შთამაგონა ეს ლექსი. გაზაფხულის მთვარიან საღამოს დაიწერა.http://urakparaki.com/?m=4&ID=103241

ნინო იორდანი
ჩვეულებრივი წევრი
გამოქვეყნებულია: 20 აპრილი, 2019 01:00:21
ეს პატარა ლექსია... პატარა ჩანახატი...მხატვრის თვალით დანახული.      ეძღვნება მშვენიერ ქალბატონს ქეთუსიას, რომელიც ოცნებობს არა სასახლეზე... არამედ ქოხზე, ბუნებაზე და სიმარტოვეზე... ცივი და გაყინული მომეჩვენა მისი ოცნება და მინდა აპრილმა დაათბოს ...
 
რატომ ვმონაწილეობ ?
წლებია აღარ გამომიქვეყნებია საიტზე... ახალი სახეები დამხვდა...იმედია ვინმეს ვახსოვარ და ეს თითქოს დაბრუნებაა......ვიცი ბევრი წარმატებული და ნიჭიერი ადამიანი მიიღებს მონაწილეობას ... წარმატებას ვუსურვებ !

http://urakparaki.com/?m=4&ID=97637



გურამ ლაცაბიძე
ლიტერატორი
გამოქვეყნებულია: 20 აპრილი, 2019 10:17:31
გამარჯობა, არ ვიცი იმსახურებს თუ არა თქვენს ყურადღებას, მაგრამ ალბათ საკონკურსე პირობებს აკმაყოფილებს, წარმატებები ყველა კონკურსანტს

http://urakparaki.com/?m=4&ID=86502

ჩემო ცხოვრებავ,
დიდი დიდი სამიოდ ლექსის
სიგრძეზე მზიდო.
შენც შენი გზა გაქვს,
შენი ტვირთი და საზრუნავი.
მე თითქოს მზად ვარ უმაშველოდ,
მეტიც, უნავოდ
შევცურო ზღვაში
და როგორმე ხომ მაპატიებ,
უნდა გამიგო,
თუ გამიგორდა კამათელი დასავლეთისკენ.
მე და შენ რა გვაქვს გასაყოფი ან საკამათო?!
შენც ხომ ჩემსავით მეათასე ხიდზე გახვედი -
- ბეწვის და ვფიცავ არცერთ სიტყვას რომ არ გაყვედრებ,
რაც კი ვთქვი ლექსად, მხოლოდ ერთი კითხვა მაწუხებს:
- როცა პოეტად გამამჟღავნე საკუთარ ფირში,
როცა შემყარე სტრიქონების მჭიდრო მარწუხებს,
თუ სასჯელია სამაგისო რა დავაშავე
და თუ ჯილდოა რით გამხადე ამ ჯილდოს ღირსი?!

ლ. ლორია
ლიტერატორი
გამოქვეყნებულია: 20 აპრილი, 2019 11:55:39
ლექსი  თუ რატომ დაიწერა ლექსშივეა

იქნებ

იქნებ ამ გარემომცველ
სინამდვილეს
აუღე ალღო...
აქ ყველაფერი იყიდება,
თანაც ურიგოდ:
მიდი გრძნობების ბაზრობაზე
იქნებ სიხარული აიღო,
მერე რა რომ ახლა ძვირია,
სამაგიეროდ მწუხარება არის იაფად -
მერე გადაცვლი!
ააწონინე რისხვა და ძრწოლვა
და გადაცვალე სიალალეში,
გულწრფელობა ვის უნდა ახლა?
მერე მარილი მოაყარე
და საზამთროდ გადაინახე!
დაიარე ყველა დახლი,
სადაც ზის ხალხი,
თუმც არ დარჩა
ერთი მისხალიც,
სიყვარული სულ გაყიდულა,
სამაგიეროდ შეიძლება  გულგრილობა,
უფასოდაც გამოგატანონ.
და ყველა გრძნობას მოიშორებ...
და იცინი
მაშინ როცა
ნოტრ დამი იწვის...
და ქრისტე
უკვე მერამდენედ
ჯვარს აცვეს თითქოს...
ქირქილებს მრევლი,
სელფს იღებენ
არ უფრთხის ხანძარს...
ირგვლი ქარია...
ტირის მარიამ
რეკენ ზარები...
იქნებ ილოცო...
იქნებ ილოცო...
იქნებ ილოცო...

ესეც ლინკი

http://www.urakparaki.com/?m=4&ID=103254

წარმატებები კონკურსანტებს, მადლობა  ქალბატობ ნინოს, ნიკის და კონკურსის ყველა ორგანიზატორს..



ნ-ი-კ-ი
ლიტერატორი
გამოქვეყნებულია: 20 აპრილი, 2019 21:20:41
ციტატა:
ესეც ლინკი


ბატონო ლევან სირცხვილია
მაგას ლინკი კი არა ბმული ქვია 

წარმატებები ყველას

ლ. ლორია
ლიტერატორი
გამოქვეყნებულია: 20 აპრილი, 2019 22:31:20
1000  ბოდიშით  უნდა დაგეთანხმოთ    ისე და თავიდან მეც ბმული  მეგონა და ახლოს  რომ მივედი  ლინკი იყო,  -  ეს ისე, სერიოზულობის გარეშე   

ნია-კო
ლიტერატორი
გამოქვეყნებულია: 22 აპრილი, 2019 10:43:42
ნათარგმნი ლექსები სად შეიძლება ვნახო?

ნ-ი-კ-ი
ლიტერატორი
გამოქვეყნებულია: 23 აპრილი, 2019 17:10:30
ნათარგმნები იქნება მალე და აქ დაიდება
ქალბატონი ნინო განათავსებს
ყურადღებით ადევნეთ თვალი
პერიოდულად შემოიხედეთ ხოლმე

ნინო დარბაისელი
რჩეული ავტორი
გამოქვეყნებულია: 23 აპრილი, 2019 17:24:52


აპრილის ბლიცის მასალების მიღებს ვადა  როდემდეა? ამოიწურა?
მარტისები ჩემი მხრიდან კი მზადაა, მაგრამ ამერიკელ რედაქტორს შაბათს რომ დავუკავშირდი, როდის მოვიდე-მეთქი, ორშაბათსო. მე კი ორშაბათს უთენია უკვე დასავლეთ ტენესიში მოვემზავრებოდი.
ოთხშაბათ ღამით ვბრუნდები შინ.  ავტორებს კი გამოგიგზავნიდით პირადად თქვენს თარგმანებს, მაგრამ ვშიშობ, არ აირიოს საბოლოოში. მოგვიწევს დაცდა ხუთშაბათამდე.
თუ რომელიმე თქვენგანს სჯერა, რომ არაფერი აერევა, უბრალოდ გაეცნობა თავისას და არსად გაავრცელებს, მომწეროს და თავის თარგმანს გადავუგდებ პირად წერილად.

ნ-ი-კ-ი
ლიტერატორი
გამოქვეყნებულია: 23 აპრილი, 2019 17:33:49
დავიცადოთ ქალბატონო ნინო
სად ეჩქარებათ
არ აირიოს
2-3 დღე არავის უწყვეტავს საქმეს მე მგონი
ჩემი აზრით მოცდა და საბოლოო სახით გამოქვეყნება ჯობია

აპრილის ბლიცის მიღება კი 20 რიცხვში დამთავრდა
ლექსები გადატანილია დახურულ თემაში და ჟიურის წევრებს შეუძლიათ გაეცნონ

ნინო დარბაისელი
რჩეული ავტორი
გამოქვეყნებულია: 23 აპრილი, 2019 19:16:19
კარგი, დავიცადოთ.
ჟიურის სხვა წევრებმა ქულები გამოგზავნეს?
მე ჩემი - მზად მაქვს.
ამჯერად დავუშვი გამონაკლისი, რასაც იმედია, აღარ გავიმეორებ. მოცულობითი ლიმიტი იყო დარღვეული. ასევე, თავისუფალის ნაცვლად კონვენციური ლექსები იყო წარმოდგენილი.
შევაფასე ცხრავე. 

ნ-ი-კ-ი
ლიტერატორი
გამოქვეყნებულია: 24 აპრილი, 2019 13:16:08
ჟიურის წევრები როგორც გადაწყვეტთ ქალბატონო ნინო
თუ მოსახსნელია, მოვხსნათ კონკურსიდან

შეფასებები ჯერ მხოლოდ თქვენგან მაქვს
იმედია სხვებიც მალე მომაწვდიან

ნია-კო
ლიტერატორი
გამოქვეყნებულია: 24 აპრილი, 2019 13:55:22
არსად მეჩქარება, დავიცდი და ამიერიდან გავთვალიდსწინებ, რომ ვერლიბრზეა საუბარი
1 2 3 4 5 6

ურაკპარაკის ფორუმი >> კონკურსები >> ლიტერატურული კონკურსი “ბლიცი“


ამჟამად ფორუმზე იმყოფება 0 სტუმარი და 0 წევრი