ნაწარმოებები



ავტორი: ბენიამინი
ჟანრი: პოეზია
10 მაისი, 2018


ძველი ქურთუკი

ამ საღამოს,
როცა მორიგი ნაგვის შეკვრა მოვისროლე ურნაში,
( ხელს გავაყოლე დედის ჩანთა,
ჩემი ქურთუკი),
რატომღაც ცივად მოვტრიალდი,
შინისკენ რადგან,
ურნისკენ სწრაფად მოდიოდა გაჭირვებული...

ორიოდ წამი დასჭირდა მხოლოდ,
ჩემი ცხოვრების შესაცნობლად,
გასაგრძელებლად,
მხრები გაშალა და ის ჩაიცვა
რაც ადრე ჩემი,
ჩემი დღეების მომსწრე იყო,
ყველას მნახველი...

ასე მგონია,
მასთან ერთად მეც გავგრძელდი
სამარადისოდ...

კომენტარები ილუსტრაციები რეცენზიები