ნაწარმოებები



ავტორი: პაპუნა ფირცხალაიშვილი
ჟანრი: პოეზია
30 ივნისი, 2018


* * *

იცი ტყუილად ნერვიულობ, ლექსებს აღარ ვწერ
სისულელეა. ახდენილი ჩემი წადილიც
სისულელეა, გადავდივარ მუდამ ახალზე
და რომ ოდესმე გავიღვიძებთ სხვადასხვა დილით

სისულელეა. ამ წვიმაში არსად დამტოვებ,
ან სად გამიშვებ. მთავარია ბავშვის ნათლობაც
კი გადავწყვიტეთ და სახელი მისი ბართლომე
რაღაცნაირად უკვე მომწონს. დიდი მადლობა

სიყვარულისთვის. არ იშლება მარტივ სიტყვებად
ბედნიერება, ამიტომაც გამოიგონეს.
შენ შეგიძლია გამებუტო, რადგან გიხდება,
მე ავდგები და როგორც წესი რამეს ვიღონებ.

კომენტარები ილუსტრაციები რეცენზიები