გამახსენდები ყველა წვიმისას,
შენს თავს გავუყოფ მხოლოდ
მის წვეთებს,
შემიყვარდება სველი ქუჩებიც,
რადგან წვიმაში გიპოვე ერთხელ....

მე დაგიჩემებ
ეგოისტურად,
და შევიყვარებ შენსავით აპრილს,
აპრილის ყველა წვიმა ჩემია,
სწორედ ამ თვეში გიპოვე რაკი....

ვიცი
არა აქვს აზრი თქმას, მაგრამ
უფრო რთულია
გრძნობა უთქმელი,
მომენატრები, როგორც არასდროს,
ყველა წვიმისას
განსაკუთრებით....

1.07.2018

ლიკა ოხანაშვილი