იცი, როგორ შეიძლება,
დაიბადოს ფიქრში ბუნტი?
როცა ვინმე გულუბრყვილოდ
გკითხავს - ხომ არ გამებუტე?
...ეჰ, რომ იყოს ჩემი ნება, -
დაგაფიქროს იქნებ რამაც,
ხომ არის ეს ფუფუნება-
მიყვარდე და მწყინდეს რაღაც.
დრო რომ დროზე ჩქარა მიქრის,
გრძნობებსაც ხომ ურცხვად უტევს?
გამახსენე, საყვარელო,
ბოლოს როდის გაგებუტე?
ფუფუნებას ვინ დაეძებს,
კომფორტი გვეპოვა იქნებ...
ხედავ, უმნიშვნელო კითხვა,
როგორ აშლის ხოლმე ფიქრებს?!