ზ ე ზ ვ ა ს
ღმერთო,დაიფარე ჩემი შვილი, რომელიც სანგარშია; რომელიც ბედისწერამ ვარსკვლავების და ნაკადულების, სიმღერების და საგალობლების საყაროდან უცაბედად გამოიყვანა, ეკლესიის წმინდა ჰაერით და ვაჟა-ფშაველას წიგნებით გაზრდილს კელაპტრის ნაცვლად იარაღი ააღებინა და მტრის პირისპირ დააყენა მშობლიურ მიწაზე...
ღმერთო,დაიფარე ჩემი შვილი, რომელიც სანგარშია; რომელიც ბეწვის ხიდზე შენმა რწმენამ გადაატარა; რომელმაც იხილა დაჭრილი მეგობრის თვალებიდან ამონათებული ტკივილის ვარსკვლავები; რომელმაც დარდის მაღალი და ნათელი კოშკიდან სულ სხვა თვალით შეხედა სამყაროს.
ღმერთო,დაიფარე ჩემი შვილი, რომელსაც განსაცდელმა სიმშვიდის სამოსელი დაუკაწრა მუქარის ეკლებით; რომელსაც დახოცილი ფუტკრებივით კალთაში უცვივა და თმაზე ეყრება ჭურვებისაგან დაფლეთილი მიწის ნამცეცები; რომელიც ესვრის და ებრალება, რომელსაც სიბრალულის გარეშე ესვრიან. უცოცხლე იმედი,წინაპრის ხმიანი, და ტყვიები,მისთვის ნასროლი, ყვავილებად აქციე სივრცეში, თუ არადა,ყველა ტყვიის გზა ჩემს გულში დასრულდეს, რომ გაგრძელდეს სიცოცხლე შვილისა, რომელსაც ენატრება დედისაგან გაშლილი ლოგინის სითბო,სურნელი და სირბილე, მოსიყვარულე,სევდიანი გამოხედვა პაპის ფანდურისა და მამის ოთახიდან გამოფრენილი ბუზღუნის კრაზანები, ტელევიზორს რომ დასტრიალებენ; რომელსაც ენატრება ეკლესიის სითბო-სინათლეში სანთელივით მდუმარედ დგომა; რომელსაც ენატრება სეირნობა გოგოსთან ერთად, ზღვაში ბანაობა და ბურთის თამაში, წიგნის ფურცლებიდან ამოზრდილი პოეზიის აისები და საღამოები; რომელსაც ენატრება სიახლოვე ადგილის დედასთან, წინაპრის სამარესთან, ფშავის ერთ-ერთ სოფელში დარჩენილ, გამოკეტილ,პატარა სახლთან.
ღმერთო,დაიფარე ჩემი შვილი, რომელიც სანგარშია; რომელსაც ომის სუსხმა გაუჩინა პირველი ჭაღარა; რომელსაც ნაადრევად დაეცა ფრთებზე ამქვეყნიური სისასტიკის ბასრი ნაპერწკლები; რომელიც ჯარისკაცად არ დაბადებულა, მაგრამ ბედისწერამ_უფრო სწორედ სამშობლოს სიყვარულმა აქცია ჯარისკაცად და წუთისოფლის უხავერდო ციცაბოებზე ააქვს ტვირთი უმძიმესი და ულამაზესი_ მამულის ერთგულება...
კომენტარები |
ილუსტრაციები |
რეცენზიები |
|
30. ძალიან კარგია... ღრმაა...ემოციურია...მოკლედ მაგარია... ძალიან კარგია... ღრმაა...ემოციურია...მოკლედ მაგარია...
29. რომელსაც ნაადრევად დაეცა ფრთებზე ამქვეყნიური სისასტიკის ბასრი ნაპერწკლები;
რომელსაც ნაადრევად დაეცა ფრთებზე ამქვეყნიური სისასტიკის ბასრი ნაპერწკლები;
27. ღმერთო, რა ლამაზად წერთ.... ღმერთო, რა ლამაზად წერთ....
26. ამ ლექსმა, თქვენებურად რომ ვთქვა, სიმშვიდის სამოსელი დამიკაწრა... ამ ლექსმა, თქვენებურად რომ ვთქვა, სიმშვიდის სამოსელი დამიკაწრა...
25. ძალიან კარგი:) ძალიან კარგი:)
24. ღმერთმა დაიფაროს სრულიად საქართველო და ყველას ვაჟკაცი შვილი! ღმერთმა დაიფაროს სრულიად საქართველო და ყველას ვაჟკაცი შვილი!
22. ყოჩაღ ვაჟა! 555 ყოჩაღ ვაჟა! 555
21. გაიხარეთ, ბატონო ვაჟა! ჩემი უდიდესი სიმპატიები თქვენ! გაიხარეთ, ბატონო ვაჟა! ჩემი უდიდესი სიმპატიები თქვენ!
20. უსიტყვოდ... უსიტყვოდ...
19. გაჟღენთილია გრძნობებით,, წრფელი ლექსია,,
:)
წარმატებები ვაჟა!!!
დიდი პატივისცემით, განდი. არწივი. გაჟღენთილია გრძნობებით,, წრფელი ლექსია,,
:)
წარმატებები ვაჟა!!!
დიდი პატივისცემით, განდი. არწივი.
18. "საყაროდან " კორექტურაა
და წუთისოფლის უხავერდო ციცაბოებზე ააქვს ტვირთი უმძიმესი და ულამაზესი_ მამულის ერთგულება...
ფინალი კარგია თემა მძიმე
ლექსად უკეთესი მინდა
"საყაროდან " კორექტურაა
და წუთისოფლის უხავერდო ციცაბოებზე ააქვს ტვირთი უმძიმესი და ულამაზესი_ მამულის ერთგულება...
ფინალი კარგია თემა მძიმე
ლექსად უკეთესი მინდა
17. ძალიან, კარგი, არწივს რომ შეუძლია მართვეს ტკივილითა და სიბრძნით ელაპარაკოს ისეთი. ძალიან, კარგი, არწივს რომ შეუძლია მართვეს ტკივილითა და სიბრძნით ელაპარაკოს ისეთი.
16. რომელიც ჯარისკაცად არ დაბადებულა, მაგრამ ბედისწერამ_უფრო სწორედ სამშობლოს სიყვარულმა აქცია ჯარისკაცად და წუთისოფლის უხავერდო ციცაბოებზე ააქვს ტვირთი უმძიმესი და ულამაზესი_ მამულის ერთგულება... ზუსტად ასე ვლოცულობდი მეც...შვილზე. ამ თაობის ბავშვები, ეტყობა ყველა ერთმანეთს გვანან... რომელიც ჯარისკაცად არ დაბადებულა, მაგრამ ბედისწერამ_უფრო სწორედ სამშობლოს სიყვარულმა აქცია ჯარისკაცად და წუთისოფლის უხავერდო ციცაბოებზე ააქვს ტვირთი უმძიმესი და ულამაზესი_ მამულის ერთგულება... ზუსტად ასე ვლოცულობდი მეც...შვილზე. ამ თაობის ბავშვები, ეტყობა ყველა ერთმანეთს გვანან...
15. არაჩვეულებრივია!!! არაჩვეულებრივია!!!
14. გავგიჟდიიი! ჩემი "ბურძგლომეტრის" ისარი ყველანაირ მაჩვენებელს გადასცდა! 5 გავგიჟდიიი! ჩემი "ბურძგლომეტრის" ისარი ყველანაირ მაჩვენებელს გადასცდა! 5
13. რომელმაც იხილა დაჭრილი მეგობრის თვალებიდან ამონათებული ტკივილის ვარსკვლავები;
ბატონო ვაჟა... დამადუმებელი ლექსია! რომელმაც იხილა დაჭრილი მეგობრის თვალებიდან ამონათებული ტკივილის ვარსკვლავები;
ბატონო ვაჟა... დამადუმებელი ლექსია!
12. მოგიკითხეთ! მოგიკითხეთ!
11. ...დაიფარე, ღმერთო, ყველა, ვისაც მამულის ჯარიკაცობა არგუნა ბედისწერამ და მიეცი ძალა გაუბზარავი გულით ზიდოს ყველაზე უმძიმესი და უმშვენიერესი ტვირთი --- მამულის სიყვარული და ერთგულება... ჩემი მოწიწება პოეტს! :) ...დაიფარე, ღმერთო, ყველა, ვისაც მამულის ჯარიკაცობა არგუნა ბედისწერამ და მიეცი ძალა გაუბზარავი გულით ზიდოს ყველაზე უმძიმესი და უმშვენიერესი ტვირთი --- მამულის სიყვარული და ერთგულება... ჩემი მოწიწება პოეტს! :)
10. პირველად მწყდება გული, რომ არ მაქვს ორ ქულაზე მეტი... მაგრამ... რა შუაშია ამ ლექსთან ქულები საერთოდ. კომენტარიც ზედმეტია, მგონი! პირველად მწყდება გული, რომ არ მაქვს ორ ქულაზე მეტი... მაგრამ... რა შუაშია ამ ლექსთან ქულები საერთოდ. კომენტარიც ზედმეტია, მგონი!
9. არაჩვეულებრივი იყო,მე ამ ლექსს ჩემი მეომარი ძმაკაცების დედას წავაკითხებ! დიდი მადლობა. არაჩვეულებრივი იყო,მე ამ ლექსს ჩემი მეომარი ძმაკაცების დედას წავაკითხებ! დიდი მადლობა.
8. ბრწყინვალე ლექსია, უმაღლესი პოეზიაა, მამობის, მამა-შვილობისა და მამულიშვილობის ღვთიური საგალობელია. მარჯი შენს კალამს, მგოსანო! ბრწყინვალე ლექსია, უმაღლესი პოეზიაა, მამობის, მამა-შვილობისა და მამულიშვილობის ღვთიური საგალობელია. მარჯი შენს კალამს, მგოსანო!
7. ღმერთო, დაიფარე ჩვენი შვილები...
მშვენიერია ;;) ღმერთო, დაიფარე ჩვენი შვილები...
მშვენიერია ;;)
6. 555555555555!!! 555555555555!!!
5. გაიხარეთ... გაიხარეთ...
4. გაიხარეთ. 5 გაიხარეთ. 5
3. თუ არადა,ყველა ტყვიის გზა ჩემს გულში დასრულდეს, რომ გაგრძელდეს სიცოცხლე შვილისა
გაიხარეთ! თუ არადა,ყველა ტყვიის გზა ჩემს გულში დასრულდეს, რომ გაგრძელდეს სიცოცხლე შვილისა
გაიხარეთ!
2. ღმერთო,დაიფარე ჩემი შვილი
დამამშვიდა ღმერთო,დაიფარე ჩემი შვილი
დამამშვიდა
1. ამ ემოციას სიტყვებით ვერ გადმოვცემ !!!!!!! ამ ემოციას სიტყვებით ვერ გადმოვცემ !!!!!!!
|
|
მონაცემები არ არის |
|
|