ნაწარმოებები


ლიტერატურული კონკურსი „ლილე 2018“     * * *     დაწვრილებით ლიტ-მოვლენაში და ფორუმზე, კონკურსების თემაში

ავტორი: ზღვისპირელი
ჟანრი: სხვა
ამ ჟანრის ნაწარმოებები არ ფასდება
6 სექტემბერი, 2018


ოდესღაც მეც დავბერდები

ოდესღაც მეც ხომ დავბერდები?!
ჰოდა..

ძველებურ სარწეველა სავარძელში ვიჯდები, თბილი პლედით მუხლებზე...ბუხარში დანთებული ცეცხლი იტკაცუნებს და ხანდახან ნაპერწკლებს გადმოყრის იატაკზე...
სახლში იქნება გემრიელი, ვანილის და შოკოლადის სუნი, რომელიც შვილიშვილებისთვის გამომცხვარ ნამცხვარს ასდის..
მრგვალ მაგიდაზე,ლამაზ ჭრელ ლარნაკში ყოველთვის იქნება მინდვრის ყვავილები...
ძველებური ნათურის შუქზე ვიკითხავ ესენინს..ალბათ სათვალეც მეკეთება იმ დროისთვის..
მერე მილიონმეერთედ გადავხედავ ძველ ფოტოებს. დიდი ხნის წაუკითხავ ძველ დღიურებს გადმოვალაგებ და თავიდან გადავიკითხავ...ახალსაც დავწერ, ისევ.....მერე რა, რომ უკვე ,,სხვა დროა,,...
იქნება ძალიან გვიანი და მე მაინც ვერ დავიძინებ, იმიტომ, რომ უკვე ძალიან დიდი ხანია მივეჩვიე გვიან დაძინებებს, ღამეებში საკუთარ თავთან დარჩენებს, ჩემს მეორე ცხოვრებას, მხოლოდ მე რომ ვიცი...
ცხოვრებას პოეზიით...ცხოვრებას ოცნებებით...წლებია რომ ვერ გადავეჩვიე და არც მიცდია..მომწონდა ასე ცხოვრება და იმიტომ...
მერე ავდგები,შევალ შვილიშვილების საძინებელში და კიდევ ერთხელ დავხედავ,როგორ სძინავთ.. მშვიდად ხომ სუნთქავენ..ეს ჩვევა მას მერე დამჩემდა,რაც დედა გავხდი...
და მე ვიქნები ბებია წითელი პომადით, ჭრელი თავსაფრით და უამრავი საინტერესო მოგონებით, რომლებსაც ზღაპრების ნაცვლად მოვუყვები შვილიშვილებს...
ბებია,რომელსაც ყველა საიდუმლოს მოუყვებიან...
ბებია,რომელთან დარჩენაც სიგიჟემდე ეყვარებათ ბავშვებს...
ბებია..ალბათ რომანტიკოსების ბოლო თაობიდან...
ბებია..წითელი პომადით...
ჰო...
ოდესღაც მეც დავბერდები...

კომენტარები ილუსტრაციები რეცენზიები