| ავტორი: არია ჟანრი: პოეზია 25 ნოემბერი, 2018 |
ისე მარტოა კარადაში შენი პერანგი, თითქოს გეკიდოს ჩამოთრეულ, მორყეულ მხრებზე. მე კი კერტები მინდა უბეში ისევ მენთოს ლამპიონებად და გამწვდებოდეს გაწელილი დროის ბოლომდე. არ შემიწყალე, რომ შენი თმების _ შავი ყორნების და წეროების წყლისფრად გაშლილ ფრთებად გყოლოდი. ვიგლოვე წელი ორჯერ ათასი, და ვაჩინე დარდებისგან მკვდარი შვილები, თალხი ჩავიცვი, მიწა ვჭამე შავი მიწა, მსუყე და სველი ჩემი ცრემლისგან. ვერ მივაყუჩე სულის ყმუილი, ვილოკე სისხლი, დახეთქილი მაჯებიდან გადმონაჟონი. და არის დილა, არაერთხელ ნათენები მრუმეთვალება, და არსად აღარ გავურბივარ მოსისინე, მსტვინავ ტკივილებს, როგორც ზამთარში მწველი მზე და ივლისში თოვა, ისე ვარ. როგორც ფუძის ცეცხლზე შემოდგმული შენი თვალების შეჭამანდი, როგორც კაცის კვლა, ჩაქვავება და მერე იმავ კაცზე გოდება, როგორც მხურვალე ღამეების გამოგლოვება და ხმით ტირილი. ვდგავარ სიშორის და სიჩუმის ჩამონგრეულ ეკლესიაში, მკვდარი ძაღლების ხროვა მიდგას ჩამქრალ სანთლებად. და აღარაფრის, სულ არაფრის მე მომლოდინეს, მხოლოდ შენს ცისფერ საფეთქლებთან დარხეული მძლავრი ტაქტები თავს მახსენებენ დროდადრო და კარადას ავსებს შენი პერანგის მოშვებული თეთრი მკლავები და მათ სიღრმეში შეხიზნული სიცარიელე. დაბრუნდი! ძლიერი მაჯები საიმედოდ შეიბორკე თეთრი მანჟეტით. დამირჩი, ლურჯი ნათითურები ყელზე და წელზე და კალთაზე შემომახვიე.
კომენტარები |
ილუსტრაციები |
რეცენზიები |
|
6. ეს გამომEცენია თორმ იქნებ უფრო ადრეე გ\ავრკევულიყავ! ეს გამომEცენია თორმ იქნებ უფრო ადრეე გ\ავრკევულიყავ!
5. მადლობა ყველას ყველას <3 მადლობა ყველას ყველას <3
4. რენუარის ლექსი გამახსენდა: " მწერ, აცივდაო / თითქოს ქარიც დაქრის ვერაგი...."
ისე მარტოა კარადაში შენი პერანგი
მართალია ჯონათანი დახვეწა მოუხდებოდა რენუარის ლექსი გამახსენდა: " მწერ, აცივდაო / თითქოს ქარიც დაქრის ვერაგი...."
ისე მარტოა კარადაში შენი პერანგი
მართალია ჯონათანი დახვეწა მოუხდებოდა
3. თავს მახსენებენ დროდადრო და კარადას ავსებს შენი პერანგის მოშვებული თეთრი მკლავები და მათ სიღრმეში შეხიზნული სიცარიელე.
მხოლოდ ეს მომეწონა .
თავს მახსენებენ დროდადრო და კარადას ავსებს შენი პერანგის მოშვებული თეთრი მკლავები და მათ სიღრმეში შეხიზნული სიცარიელე.
მხოლოდ ეს მომეწონა .
2. "როგორც ფუძის ცეცხლზე შემოდგმული შენი თვალების შეჭამანდი" "მკვდარი ძაღლების ხროვა მიდგას ჩამქრალ სანთლებად.". - ეს სტროქონები სიმძაფრის ეფექტისთვის ხელოვნურად შეკოწიწებული მეჩვენა. უამსტრიქონებოდ კარგი ლექსი იქნებოდა, ჩემი აზრით. "როგორც ფუძის ცეცხლზე შემოდგმული შენი თვალების შეჭამანდი" "მკვდარი ძაღლების ხროვა მიდგას ჩამქრალ სანთლებად.". - ეს სტროქონები სიმძაფრის ეფექტისთვის ხელოვნურად შეკოწიწებული მეჩვენა. უამსტრიქონებოდ კარგი ლექსი იქნებოდა, ჩემი აზრით.
1. თითქოს ზედმეტი სიტყვები იყო, დაწმენდას მოიხდენდა.
მაინც მომეწონა :-)
თითქოს ზედმეტი სიტყვები იყო, დაწმენდას მოიხდენდა.
მაინც მომეწონა :-)
|
|
მონაცემები არ არის |
|
|