ნაწარმოებები



ავტორი: გიო ზედვაკელი
ჟანრი: პოეზია
9 ივლისი, 2019


ნუ გეშინია,არ გაიქცე!

ნუ გეშინია ,არ გაიქცე,
არ  გამერიდო,არ შეგეხები,
თუ არ გინდა,არ შეგეხები!
ჩიტი ხომ არ ხარ,
დამფრთხალი რომ შუშებს ეხლები?
არ შეგეხები,ხომ გითხარი ,არ შეგეხები!
დაჯექი მიღმა ჩემი  დივნის,ჩემი მაგიდის,
ჩემი წიგნების,ნაწერების,ნაცოდვილარის
მიღმა დაჯექი-მე დაგხატავ,
დაგიმახსოვრებ,
და მერე  წადი - რა გზითაც გსურს იმ გზით იარე!
ზურგზე დაგრჩება ჩემი მზერა  ,როგორც სვირინგი.
და წამოთხრილი ბროლის თვალი მზესთან იდება.
მე  ათას  ასი ლექსითაც ვერ შემოგირიგე,
შენ ერთი ლექსიც არ გჭირდება შესარიგებლად!





კომენტარები ილუსტრაციები რეცენზიები