დასაკიდებელი უნდა დაიკიდოს,
ეს იქნება: ფარდა, მძივი, სურათი, ქურთუკი თუ ა.შ.
დიახ, დილით ისევ დავუშვი წუხანდელი შეცდომა,
სამჯერ უნდა გადამესახა პირჯვარი, მაგრამ სამჯერვე მწარედ შევიგინე.
თქვენი არასწორი...

დროა, გამოვუტყდეთ ჩვენს კაცებს, რომ ყვავილების ნაცვლად საცვლები გვაჩუქონ, თუნდაც ორი ზომით პატარა საცვლები,
თეძოებზე სულის გაძრობამდე რომ მოგვიჭერს,
და თავი მაინც საშინლად კომფორტულად წარმოვაჩინოთ.
შემდეგ რა მოხდება არ ვიცი,
"დღეს კი ვხედავ, ჰაერში გაშეშებულ ნემსიყლაპიასავით დგას ლოდინი".
ეს ყურუმსაღი ტყემალი კი ისევ მზემ მოატყუა, შემდეგ - თოვლმა, და მაისის ბლის დასაცინი გაიხადა თავი.
სიცოცხლეში ყველაფერს უნდა შეახო ენა, ისე გემო არაფერს გაესინჯება.
ენას შეუძლია ააშენოს და დაანგრიოს, გატკინოს და გასიამოვნოს.

"თუ მკითხავთ,
მე გიპასუხებთ!"  - ჩვეულებრივი ქალები, ასე არ წერენ.