ნაწარმოებები



ავტორი: რობერტ მესხი
ჟანრი: პოეზია
18 მარტი, 2020


სხვა ომი


ჩემი მეზობელი არასოდეს იბანს ხელებს,
არასოდეს იმუშავებს ანტიბაქტერიული ხსნარით,
არასოდეს ატარებს ხელთათმანებს, -
ორიათასრვიდან ასეა.

ჩემს ქვეყანას არა აქვს საზღვრები,
ჩემი ქვეყანა უსაზღვროა!
არც ნეიტრალურია და
არც სამხედრო კოალიციების წევრი.

რა წვევამდელი?!
რა რიგითი?!
რა მეთაური?! -
მარტოკაცი, ჭამაშიც ბრალი.

ჭამაზეც გეტყვი:
ნაჭრის სანგრიდან - პირბადიდან გამოიხედე,
გაღეჭე ხორცი - სეფისკვერი
და ერთჯერადი ჭიქით მოსვი სისხლი ყლუპ-ყლუპად.
არ გადაგცდეს,
ხველა დაგახრჩობს!.



კომენტარები ილუსტრაციები რეცენზიები