ნაწარმოებები


ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: წეროს თოვლი
ჟანრი: პოეზია
25 ივლისი, 2020


რიტუალი

მშვიდია ღამე,
უმთვარო-
თან სარიტუალო.
საზღვარს შეშლამდე მდუმარებით ვანეიტრალებ.
ფრთები გვემსხვრევა მკლავებდაჭრილ მარიონეტებს.
(ზეცა ისეთი უნაკლოა დავიტოვებდი)..

შორ სახურავზე
ღამით ჯდომის სხვა ესთეტიკა.
სხვა სემანტიკა
ამ ცხოვრების მძაფრი გროტესკის.
ჩანს უნაპირო ზღვის გუგებში თეთრი ხომალდი.
ცდა გადარჩენის,
ალმოდებულ ფიქრში მბოლავი.

ძილში, მთვარის ქვის ქინძისთავით,
შვილებს ვულოცავთ
შიშებზე.
ზოგჯერ სული ითხოვს
რიგით ბოლო ცას.
რომ არ მახრჩობდეს ქვეყნის ჯავრი,
ერი “სახატე”.
ამ პროზაული პროლოგიდან
ხომ არ გადავხტე?!.

მკვეთრი ხმაური,
როგორც გულზე მძიმე სატვირთო,
დგება და ღამეს
ბასრი დილა ნისლში ათეთრებს.
დაღლილ გონებას აკენკავენ ლურჯი ყორნები.
(ზეცა ისეთი უნაკლოა დავიტოვებდი).

კომენტარები ილუსტრაციები რეცენზიები