ნაწარმოებები


ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: გილო
ჟანრი: პოეზია
26 ივლისი, 2020


სანახევრო

სანახევროა ყველა როლი რაც აისხლიტე.
ბედნიერების ინდექსივით უკიდურესი,
და საარსებო მინიმუმთან შეუსაბამო,
წვეთავს ცხოვრება გაღიმებულ ადამიანშიც.
ლამის გამოხრას გამუდმებით ქარმა თვალებში
სუსტი კარი და თიკნებივით ფიქრი გარეკოს,
მოუსავლეთში სამფეროვან იალაღებზე,
სადაც მუქია თითო ზოლი, თითო მინდორი,
სადაც ჩოჩქოლი აღწევს პიკს და ჩარხავს ნარინჯის
ფერად სოკოებს, უფრო სწორედ სოკო-სადგურებს,
ნაყავს გამხმარი ბუჩქის ძირებს შიშის დამქაშებს
და ჩნდება კანში როგორც ობი პურის ნატეხზე.
საცალფეხოა წასავლელი გზები, ხიდები,
სადაც განგაში ეპირება უხმო ჯებირებს,
გაუბედავი მცდელობების გადასალახად,
გამოურღვიოს ოცნებების ფარდაგს ნაქსოვი
და ერთი ხელის მოსმით ისე გადააფინოს,
როგორც დოლბანდი რძის ჩასხმამდე ცარიელ ქილას.
ასეთი როლი აღარავის ეპიტნავება.
აღარ დუღდება ვულკანების ყელში სიკვდილი,
თხევადი ფერფლი ისე აღარ მოეღვენთება,
რომ გაციების შემდეგ შექმნას მხატვრული ბოდვა
და ნაცოდვილარ ნასახლარებს დაეპატრონოს.
გარკვეულია გადაბარგება როლიდან როლში
როდიდან არის გადარჩენის ფხიზელი აქტი
და გაოცების მინანქარში ამოგანგლული
ადმიანის საპირწონედ მხრების აჩეჩვა.

კომენტარები ილუსტრაციები რეცენზიები